Lənkəran rayonunun Viravul kənd 2 nömrəli tam orta məktəbinin 10-cu sinif şagirdi Gülşən Feyziyevanı həmyaşıdlarından fərqləndirən onun 12 xarici dili öyrənməyə maraq göstərməsidir. Bu haqda məlumatı Cenublu.az bu gün, 17 noyabr tarixində Azertac-a istinadən verir.
Artıq 4 ildir Gülşənə ingilis dili fənnini tədris edən Aygün Əzimova bildirir ki, ona ancaq ingilis və rus dillərini öyrədib. Digər dillərə Gülşən özü maraq göstərib.
İngilis və rus dlindən sonra Gülşən Feyziyeva Asiya xalqlarının dillərini öyrənməyə meyil göstərib. O istəyir ki, maraq göstərdiyi dilləri mükəmməl şəkildə öyrənsin:
“Mən poliqlot olmaq, tərcüməçi olmaq istəyirəm. Əvvəl Koreya dilini öyrənməyə həvəs yarandı və beləliklə, onun öhdəsindən gəldim. Əslində Koreya dilini öyrənəndə çox çətinlik çəkdim. Çünki onların əlifbasını öyrənmək çətindir, bir neçə qrupa bölünür. Onları hissə-hissə öyrənməyə başladım. Daha sonra yapon dilinə marağım yarandı”, – deyən 10-cu sinif şagirdinin maraq göstərdiyi dillər arasında erməni dili də var. İstedadlı şagird deyir ki, düşmənin dilini bilmək vacibdir. O, işğaldan azad olunan Qarabağ haqqında məlumatları erməni dilində internet vasitəsilə dünyaya çatdırmaq istəyir.
O, dilini öyrəndiyi 12 ölkə arasında ABŞ, Yaponiya və Cənubi Koreyaya səyahət etməyi, ABŞ-də isə təhsil alaraq, biznes qurmaq istədiyini söyləyir.
[caption id="attachment_48738" align="alignnone" width="336"]
Foto Azertac[/caption]
