Fövqəladə hallar naziri general-polkovnik Kəmaləddin Heydərov Lənkəran Şəhər İcra Hakimiyyətinin başçısı Taleh Qaraşovun oğlu Seymur Qaraşovla bağlı əmr imzalayıb. Bu haqda məlumatı Cenublu.az bu gün, 22 iyun tarixində Qaynarinfo.az-a istinadən verir.
Belə ki, nazirin müvafiq əmri ilə daxili xidmət polkovniki Qaraşov Seymur Taleh oğlu Kiçikhəcmli Gəmilərə Nəzarət və Sularda Xilasetmə Dövlət Xidmətinin rəis müavini vəzifəsindən azad olunub. O, FHN-in Daxili Tədqiqat İdarəsinin rəis müavini təyin edilib.
Seymur Qaraşovun yerinə daxili xidmət polkovnik-leytenantı Eyvazov Ayaz Teyfur oğlu təyin edilib.
Qeyd edək ki, Lənkəran şəhər İcra Hakimiyyətinin başçısı Taleh Qaraşovun digər oğlu Samir Qaraşov carı ilin aprel ayında FHN-in Maliyyə Baş İdarəsinin nəzdində Nəzarət-Təftiş İdarəsinin rəis müavini vəzifəsindən çıxarılmışdır.
