Azərbaycan Dövlət Pedaqoji Universitetinin (ADPU) Cəlilabad filialının üç tələbəsi qızılca virusuna yoluxub. Bu haqda məlumatı Cenublu.az bu gün, 23 noyabr tarixində İqtisadiyyat.az-a istinadən verir.
Belə ki, ilk yoluxma bir müddət əvvəl 19 yaşlı Rahil Tahir oğlu Şükürovda aşkarlanıb.
Sonra isə bu xəstəliyə 20 yaşlı Şahin Tərlan oğlu Mayılov və daha sonra onun qardaşı, 18 yaşlı Adəm Tərlan oğlu Mayılov da yoluxublar.
Hər üç şəxs xəstəliklə bağlı rayondakı tibb müəssisəsinə müraciət edib. Hazırda onların səhhətinin yaxşı olduğu bildirilir.
Qeyd edək ki, son günlər Azərbaycanda qızılcaya yoluxma halları artıb.
