Cəlilabadda bıçaqlanma hadisəsi baş verib. Bu haqda məlumatı Cenublu.az bu gün, 4 sentyabr tarixində Apa.az-a istinadən verir.
Hadisə nəticəsində rayonun Privolnoye kənd sakini, 25 yaşlı Natiq Abbasova çoxsaylı bıçaq xəsarətləri yetirilib. O, sol bazunun, sol dirsəyin, döş qəfəsinin və bel nahiyəsinin kəsilmiş-deşilmiş yaraları diaqnozu ilə Cəlilabad Rayon Mərkəzi Xəstəxanasına çatdırılıb. İlkin tibbi yardımdan sonra, xəstəxananın reanimasiya şöbəsinə yerləşdirilib.
Faktla bağlı DİN-in mətbuat xidmətinin Lənkəran regional qrupundan bildirilib ki, Cəlilabad şəhər sakini Əli Həsənov aralarında şəxsi münasibətlər zəminində yaranan mübahisə zamanı Privolnoye kənd sakini Natiq Abbasova kəsilmiş-deşilmiş xəsarətlər yetirib. Faktı törətməkdə şübhəli bilinən Ə.Həsənov polis əməkdaşları tərəfindən saxlanılıb.
Hazırda faktla bağlı zəruri istintaq hərəkətləri həyata keçirilir.
