Bu ilin may ayında həftəsonları da nəzərə alınmaqla ümumilikdə 14 gün qeyri-iş günü olacaq.
Cenublu.az məlumat verir ki, 9 May – Faşizm üzərində Qələbə Günü şənbə gününə təsadüf etdiyi üçün Əmək Məcəlləsinə uyğun olaraq mayın 11-i (bazar ertəsi) də qeyri-iş günü hesab ediləcək. Bununla da 9–11 may tarixlərində ardıcıl 3 gün istirahət olacaq.
Bu il Qurban bayramı 27–28 may tarixlərində qeyd olunacaq. 28 May – Müstəqillik Günü ilə üst-üstə düşdüyü üçün mayın 29-u da qeyri-iş günü elan edilib.
Bayram günlərinin həftəsonu ilə birləşməsi nəticəsində 27–31 may tarixləri də ardıcıl istirahət günlərinə düşəcək. Ümumilikdə isə may ayında bayramlar və həftəsonları nəzərə alınmaqla 14 gün istirahət nəzərdə tutulur. Əsas iş günlərinə təsadüf edən qeyri-iş günləri isə 11, 27, 28 və 29 may tarixləridir.
