Astara rayonunda 1966-cı il təvəllüdlü Murad həyat yoldaşı Səidəyə xəsarət yetirməkdə ittiham olunub. Hadisə 2024-cü il iyulun 15-də Astara şəhəri, Heydər Əliyev prospektində yerləşən yaşadıqları evdə baş verib.
İstintaqa görə, ər-arvad arasında mübahisə Muradın Səidədən ona niyə gündəlik dərman verdiyini soruşması ilə başlayıb. Qadın onun xəstə olduğu üçün dərman verdiyini deyəndə mübahisə daha da kəskinləşib. Nəticədə Murad arvadının sol gözünə yumruq və şillə zərbələri endirərək ona müxtəlif dərəcəli xəsarətlər yetirib.
Murad ifadəsində özünü təqsirli bilib və hadisəni ailədaxili mübahisə ilə izah edib. Ona qarşı Cinayət Məcəlləsinin 128-ci maddəsi ilə ittiham irəli sürülüb.
Məhkəmənin qərarı ilə Murada "Konstitusiya və Suverenlik İli" ilə bağlı amnistiya tətbiq edilib. Nəticədə o, cinayət məsuliyyətindən azad olunub, iş üzrə icraata xitam verilib və barəsində seçilmiş qətimkan tədbiri də ləğv edilib.
