Bakının Sabunçu rayonunda sosial şəbəkədə həyat yoldaşı haqqında xoşagəlməz ifadələr işlədən şəxs həbs edilib.
Teleqraf.az-ın əldə etdiyi məlumata görə, 1985-ci il təvəllüdlü Saatlı rayon sakini Nizami Vəliyev (ad-soyad şərti verilib – red.) müxtəlif vaxtlarda "TikTok" sosial şəbəkəsi üzərindən həyat yoldaşı Vüsalə və onun övladı Səmanın ünvanına nalayiq ifadələr işlədib.
Həmçinin votsap tətbiqi vasitəsilə ana və qıza qarşı nalayiq ifadələrdən ibarət səsli mesajlar göndərib.
Vəliyevin barəsində İnzibati Xətalar Məcəlləsinin 510-cu maddəsi ilə ittiham verilib.
Sabunçu Rayon Məhkəməsinin qərarı ilə Vəliyev 15 gün müddətinə inzibati qaydada həbs edilib.
