Salyan rayonunda 24 yaşlı Yusif hamilə həyat yoldaşı Elmiraya xəsarət yetirdiyi üçün məhkum olunub.
İstintaqla müəyyən edilib ki, Yusif həyat yoldaşından çay hazırlamasını istəyib. Elmira isə həkimin ona ağır yük qaldırmağı qadağan etdiyini deyərək imtina edib. Bu səbəbdən aralarında mübahisə yaranıb.
Yusif ifadəsində bildirib ki, həyat yoldaşının sərt cavab verməsinə əsəbiləşərək onun saçından tutub və başı ilə sifətinə bir dəfə zərbə endirib. O, əməlindən peşman olduğunu deyib.
Elmira isə məhkəmədə hadisə zamanı aldığı zərbədən yerə yıxıldığını və sonra Yusif tərəfindən hədələndiyini söyləyib.
Məhkəmə Yusifi Cinayət Məcəlləsinin qəsdən sağlamlığa zərər vurma maddəsi ilə təqsirli bilərək 9 ay müddətinə azadlığın məhdudlaşdırılması cəzasına məhkum edib.
Adlar şərtidir.
Mənbə: demokrat.az
