Salyan rayonunda ailə münaqişəsi faciə ilə nəticələnib.
Cenublu.az xəbər verir ki, hadisə iyulun 29-na keçən gecə rayonun Şəkərli kəndində baş verib. İlkin məlumata görə, 1966-cı il təvəllüdlü Natiq Sadıqov sərxoş vəziyyətdə ov tüfəngi ilə keçmiş kürəkəni, Qardili kənd sakini, 1980-ci il təvəllüdlü Famil Lətifovu yaşadığı evin həyətində baş vermiş münaqişə zəminində güllələyərək qətlə yetirib.
Polis əməkdaşlarının keçirdikləri əməliyyat tədbirləri nəticəsində Natiq Sadıqov saxlanılaraq istintaqa təhvil verilib. Ondan cinayətin aləti olan ov tüfəngi götürülüb.
