Rüşvət almada təqsirləndirilən Cəlilabad şəhər bələdiyyəsinin sabiq sədri Mehdi Kərimov və keçmiş baş memar Sahil Qənbərlinin barəsindəki hökmdən kassasiya şikayəti verilib.
Qeyd edək ki, hər iki sabiq məmur Baş Prokuror yanında Korrupsiyaya qarşı Mübarizə Baş İdarəsi tərəfindən həbs olunub. İstintaq zamanı onların əlbir olaraq Cəlilabad şəhəri ərazisində torpaq sahələrinin ayrılması və sahibkarlıq obyektinin tikintisinə icazə verilməsi qarşılığında vətəndaşlardan ümumilikdə 44 min manat rüşvət aldıqları müəyyən edilib.
Onlara Cinayət Məcəlləsinin bir neçə maddəsi ilə ittiham elan olunub.
Lənkəran Ağır Cinayətlər Məhkəməsinin hökmü ilə Sahil Qənbərli 8 il, Mehdi Kərimov isə 6 il müddətinə azadlıqdan məhrum edilib. Şikayət Ali Məhkəmədə hakim İlqar Cəfərovun sədrliyi ilə araşdırılacaq.
