Sabirabad şəhərində 46 yaşlı kişi qonşusuna xəsarət yetirdiyinə görə məhkum edilib. 1979-cu il təvəllüdlü Ayaz yolda qonşusu Yavərlə qarşılaşıb və onun qızlara söz atdığını iddia edərək irad bildirib. Mübahisə zamanı Ayaz Yavərə şillə və təpik vurub.
Ayaz ifadəsində bildirib ki, Yavərin bu davranışına əvvəllər də etiraz edib və hadisə günü də "böyük kimi" ona dərs vermək istədiyini deyib. O, özünü təqsirli bilib və əlavə edib ki, əvvəllər də məhkum olunub.
Zərərçəkmiş Yavər isə 2011-ci il təvəllüdlü, 9-cu sinif şagirdi olduğunu deyib. Onun sözlərinə görə, məktəbdən qayıdarkən Ayaz səbəbsiz şəkildə ona hücum edib. Hadisədən sonra o, babasının evinə gedib, daha sonra təcili yardım çağırılıb və xəstəxanada müxtəlif bədən xəsarətləri aldığı müəyyən olunub. Yavər qızlara söz atmadığını bildirib və şikayətçi olduğunu deyib.
Məhkəmənin hökmü ilə Ayaz 7 ay müddətinə azadlıqdan məhrum edilib. Cəzasını ümumi rejimli müəssisədə çəkəcək. O, 1998, 2001, 2010-cu illərdə oğurluq, 2014-də narkotik, 2022-də isə yenidən oğurluq cinayətlərinə görə də məhkum olunub.
Qeyd edək ki, adlar şərtidir.
