Saatlı rayonunda kişi arvadını döyüb.
Rayon sakini, 1996-cı il təvəllüdlü Toğrul 2023-cü ildə ailə həyat qurduğu həyat yoldaşına deyib ki, atasından ona avtomobil almağı tələb etsin.
Toğrul bir gün axşam işdən evə qayıdıb və arvadından soruşub ki, atası maşın alır, ya yox.
Həyat yoldaşı isə Toğrula söyləyib ki, bu barədə atasına heç bir söz deməyib. Qadın xahiş edib ki, bu istəyini ona özü bildirsin. Reaksiyadan əsəbiləşən Toğrul arvadı ilə mübahisə edib və qadını döyüb.
Bundan sonra qadın evi tərk edərək atasının evinə gedib və hadisə barədə polisə məlumat verib.
Müraciət əsasında polis əməkdaşları Toğrulu saxlayıblar.
Faktla bağlı cinayət işi başlanılıb və iş məhkəməyə göndərilib.
Saatlı Rayon Məhkəməsinin hökmü ilə Toğrula 6 ay azadlığın məhdudlaşdırılması cəzası verilib və ona elektron nəzarət qolbağı tətbiq edilib.
Qeyd edək ki, ad şərtidir.
