İmişli rayonunda tanışını Qarabağdan iribuynuzlu heyvan gətirəcəyi vədi ilə aldadaraq 17 min 130 manatını mənimsəyən şəxsə hökm oxunub.
Araşdırma zamanı müəyyən edilib ki, təqsirləndirilən şəxs zərərçəkmişdən müxtəlif vaxtlarda bank köçürməsi və nağd şəkildə ümumilikdə 17 min 130 manat alıb. Lakin vəd etdiyi heyvanları almayaraq pulu şəxsi ehtiyaclarına xərcləyib və zərərçəkmişi səsli mesajlarla aldadaraq gözlədib.
Məhkəmədə təqsirini etiraf edən şəxs vurduğu ziyanın 4 min manatını ödədiyini, qalan məbləği isə maddi imkansızlıq səbəbindən qaytara bilmədiyini bildirib.
Məhkəmənin hökmü ilə o, Cinayət Məcəlləsinin 178.2.4-cü maddəsi ilə təqsirli bilinərək 3 il azadlıqdan məhrum edilib. Həbsdə keçirdiyi 2 gün cəzadan çıxılmaqla, üzərində qəti olaraq 2 il 11 ay 28 gün həbs cəzası saxlanılıb.
Mənbə: qaynarinfo.аz
