Sabirabad rayonunda məktəbdə həyat yoldaşını döyən şəxs həbs edilib.
Hadisə rayonun kəndlərindən birində baş verib.
1980-ci il təvəllüdlü Cabir Kərimli barəsində İnzibati Xətalar Məcəlləsinin 157-ci (döymə) maddəsi ilə ittiham elan edilib.
İş üzrə izahat verən Cabir özünü təqsirli bilməyib. O, ifadəsində göstərib ki, arvadı bir necə ay əvvəl yaşadıqları evi tərk edib və atası evinə gedib: "Onun bu hərəkətinə etiraz etdim və kənd məktəbində arvadım ilə mübahisə etdim. Lakin onu vurmadım".
Zərərçəkmiş qadının sözlərinə görə, məlum hadisə günü səhər saat 9 radələrində kənd məktəbində əri onun qarşısını kəsərək üz nahiyəsinə şillə vurub, qarın nahiyəsinə təpik atıb və ona xəsarət yetirib. O, əri ilə barışmadığını və barəsində həbs növündə cəza təyin edilməsini istədiyini bildirib.
Sabirabad Rayon Məhkəməsinin qərarı ilə Cabir 20 gün müddətinə həbs edilib.
Qeyd edək ki, ad-soyad şərti verilib.
