Lənkəranda yeniyetmənin döyülməsi ilə bağlı yeni məlumat yayılıb.
Cenublu.az xəbər verir ki, hadisə ötən axşam rayonun Kərgəlan kəndində, yanacaqdoldurma məntəqələrindən birinin ərazisində baş verib. 2010-cu il təvəllüdlü E. İbadovla tanışları arasında yaranan mübahisə zamanı şəxslərdən birinin yeniyetməni döydüyü və başı üstə yerə çırpdığı bildirilir.
E. İbadov yaxınları tərəfindən Lənkəran Rayon Mərkəzi Xəstəxanasına çatdırılıb. O, dəqiqləşdirilməmiş kəllədaxili travma diaqnozu ilə reanimasiya şöbəsinə yerləşdirilib. Vəziyyəti ağır qiymətləndirilən yeniyetmə süni tənəffüs aparatına qoşulub.
Hadisə ilə bağlı aparılan araşdırma zamanı E. İbadova ağır xəsarət yetirməkdə şübhəli bilinən İ. B. polis əməkdaşları tərəfindən saxlanılıb.
Faktla bağlı araşdırma davam etdirilir.
