Sabirabad rayonunda iş yoldaşının kartından pul oğurlayan restoran işçisinin məhkəməsi başa çatıb.
Cinayət Məcəlləsinin 177-ci maddəsi ilə təqsirləndirilən 1993-cü il təvəllüdlü Elvin İmanova hökm oxunub.
Bildirilib ki, oğurluq hadisəsi Sabirabad şəhərində yerləşən "Taşfırın" restoranında baş verib. Belə ki, restoranda dönərçi işləyən Elvin orada xadimə kimi çalışan qadının telefonundan gizli şəkildə 280 manat pulu öz kartına köçürüb. Məlum olub ki, Elvin qadının telefonunu götürdükdən sonra bank proqramına daxil olub və 300 manatlıq krediti rəsmiləşdirib. O, daha sonra 300 manatdan 280 manatını özünə ötürüb.
Fakt üzə çıxdıqdan sonra qadın polisə müraciət edib və cinayət işi başlanılıb.
Sabirabad Rayon Məhkəməsinin hökmü ilə Elvinə 2 il azadlığın məhdudlaşdırılması cəzası verilib.
Mənbə: qafqazinfo.az
