Cəlilabadda qadın kommunal borca görə anası ilə mübahisə edərək ona xəsarət yetirib.
Lent.аz xəbər verir ki, hadisə şəhərin M. Hüseyn küçəsində yerləşən fərdi evlərin birində qeydə alınıb.
37 yaşlı Nailə Xələfova ilə anası arasında qaz sərfiyyatı borcu üstündə mübahisə yaranıb. Mübahisə zamanı Nailə hər iki əli ilə anasının qulaqlarından tutaraq onları cırıb.
Zərərçəkənin polisə müraciətindən sonra Nailə saxlanılıb və barəsində cinayət işi açılıb. Təqsirləndirilən şəxs bildirib ki, həyat yoldaşından ayrılıb və 2 azyaşlı övladı, həmçinin anası ilə birlikdə Cəlilabad şəhərində kirayədə yaşayır.
Zərərçəkən ana ifadəsində qızı ilə barışdıqlarını, ona qarşı şikayət və tələbinin olmadığını deyərək övladına cəza verilməməsini xahiş edib.
Məhkəmənin qərarı ilə Nailə Xələfova aylıq qazancının 10 faizi dövlət nəfinə tutulmaqla 6 ay müddətinə islah işləri cəzasına məhkum edilib.
