Cəlilabad sakini 24 yaşlı Arifin ailəsində yaşanan gərginlik məhkəmə müstəvisinə qədər uzanıb.
Hadisə qadının valideynlərinin yaşadığı evdə baş verib. Gecə saatlarında ora gedən Arif həyat yoldaşı ilə mübahisə edib. Mübahisə zamanı o, qadına fiziki zor tətbiq edərək xəsarət yetirib.
Faktla bağlı Arifin barəsində sağlamlığa az ağır zərər vurma maddəsi ilə cinayət işi başlanılıb.
Məhkəmə zamanı təqsirləndirilən şəxs əməlindən peşman olduğunu, ailəsi ilə barışdığını və vurduğu ziyanı ödədiyini deyib.
Suraxanı Rayon Məhkəməsinin qərarı ilə tərəflərin barışması nəzərə alınaraq cinayət işinə xitam verilib və Arif cinayət məsuliyyətindən azad edilib.
Ad şərtidir.
