Cəlilabad rayonunda 15 yaşlı qızla ailə həyatı quran 21 yaşlı şəxs cinayət məsuliyyətinə cəlb olunub.
Məlumata görə, o, 14 yaşını tamamlamış, lakin 16 yaşına çatmamış qızla cinsi əlaqədə olduğuna görə Cinayət Məcəlləsinin 152.1-ci maddəsi ilə təqsirli bilinib.
İstintaqla müəyyən olunub ki, tərəflər sosial şəbəkədə tanış olub, daha sonra qız ailəsinin razılığı olmadan oğlana qoşulub qaçıb. Sonradan ailələrin razılığı ilə el adəti ilə toy mərasimi keçirilsə də, rəsmi nikah bağlanmayıb.
Məhkəmənin hökmü ilə təqsirləndirilən şəxs 1 il 3 ay müddətinə azadlıqdan məhrum edilib.
