Neftçala rayonunda həyat yoldaşını bıçaqlayıb, daha sonra balta ilə ağır yaralayan şəxslə bağlı apellyasiya məhkəməsi qərar çıxarıb.
Hadisə 2025-ci ildə Neftçalanın Sübh kəndində baş verib. İstintaq materiallarına görə, ailə münaqişəsi zəminində Amil Fərəcov əvvəlcə arvadını bıçaqlayıb, daha sonra isə balta ilə baş nahiyəsinə zərbə endirərək onun həyatını təhlükə altına qoyan ağır xəsarətlər yetirib.
Şirvan Apellyasiya Məhkəməsi dövlət ittihamçısının protestini təmin edərək əvvəlki hökmü ləğv edib. Təqsirləndirilən şəxs xüsusi amansızlıqla qəsdən sağlamlığa ağır zərər vurmaqda təqsirli bilinərək 6 il müddətinə azadlıqdan məhrum edilib.
Qeyd edək ki, Lənkəran Ağır Cinayətlər Məhkəməsi ona əvvəlcə 3 il 6 ay həbs cəzası vermişdi.
Mənbə: pravda.аz
