Sabirabad rayonunda 25 yaşlı oğlan qısqanclıq zəminində qohumunu döyərək ona xəsarət yetirib.
Hadisə rayonun kəndlərindən birində baş verib. 2001-ci il təvəllüdlü Kərəm (ad şərtidir – red.) qohumu Vüqarın (ad şərtidir – red.) onun evində arvadı Süsənin yanında dayanaraq söhbət etdiyini görüb. Bundan sonra aralarında mübahisə yaranıb və Kərəm Vüqarı döyüb.
Kərəmə Cinayət Məcəlləsinin 128-ci (qəsdən sağlamlığa zərər vurma) maddəsi ilə ittiham elan edilib. Məhkəmə zamanı tərəflərin barışdığı və Vüqarın şikayətini geri götürdüyü məlum olub.
Sabirabad Rayon Məhkəməsinin hökmü ilə cinayət təqibinə xitam verilib və Kərəm cinayət məsuliyyətindən azad edilib.
Mənbə: demokrat.аz
