Biləsuvar Rayon Məhkəməsində ananın oğlunun gələcəkdə mirasdan məcburi pay almaq hüququndan məhrum edilməsi ilə bağlı iddiasına baxılıb.
İddiaçı ana oğlunun uzun müddət ona qarşı k!bud və hörməts!z davrandığını, ailə münasibətlərinin ciddi şəkildə pozulduğunu bildirib. Oğul isə iddianı qəbul etməyib və ailə münaqişəsinin əmlakın satılması məsələsindən yarandığını deyib.
Məhkəmə şahid ifadələrini, polisə müraciətlər, səs yazıları və digər sübutları araşdırıb. Sübutların məcmusuna əsasən, tərəflər arasında uzunmüddətli münaqişələrin olduğu və oğulun anasına qarşı davranışının qəsdən s!rt rəftar kimi qiymətləndirilə biləcəyi müəyyən edilib.
Nəticədə məhkəmə iddianı təmin edib. Oğul anasına məxsus əmlakdan gələcəkdə məcburi pay almaq hüququndan məhrum edilib. Bu qərar miras açıldığı andan qüvvəyə minəcək.
Mənbə: lent.аz
