Masallı rayonunun Babaser kəndində yerləşən, fiziki şəxs Mais Qardaşova məxsus marketdə Qida Təhlükəsizliyi Agentliyinin əməkdaşları tərəfindən aparılan yoxlama zamanı ciddi pozuntular müəyyən edilib.
Cenublu.az xəbər verir ki, yoxlama zamanı istifadə müddəti bitmiş müxtəlif növ qida məhsulları və qazlı sular aşkarlanıb. Həmçinin mənşəyi məlum olmayan “Organic Lyuks”, “Lyuks Line”, “Gold Organik”, “Banqero Organic”, “Органик Березка”, “Vip Line” əmtəə nişanlı saxta alkoqollu içkilər müəyyən edilərək satışdan çıxarılıb.
Aşkarlanan istehlaka yararsız məhsullarla bağlı məhdudlaşdırıcı qərar qəbul edilib. Fakt üzrə qanunvericiliyə uyğun tədbirlər görülüb və araşdırmalar davam etdirilir.
