Masallı rayonunda kənd təsərrüfatının ümumi məhsulu artıb.
Masallı Rayon Statistika İdarəsindən cenublu.az-a verilən məlumatda bildirilir ki, 2024-cü ilin yanvar-sentyabr aylarında kənd təsərrüfatı üzrə məhsul buraxılışının ümumi dəyəri 2023-cü ilin müvafiq dövrünə nisbətən 0,1 faiz artaraq 169480,3 min manat təşkil edib.
Göstərilən məbləğin 91918,8 min manatı və ya 54,2 faizi bitkiçilik məhsullarının, 77561,5 min manatı və ya 45,8 faizi isə heyvandarlıq məhsullarının payına düşüb.
2024-cü il yanvar-sentyabr ayları ərzində dənli (çəltik istisna olmaqla), paxlalı və yağlı bitkilər üzrə yığılan məhsul ötən ilin müvafiq dövründən 86,5 ton və ya 0,3 faiz azdır.
Buğda üzrə məhsuldarlıq 24,4 sent/ha, arpa üzrə isə məhsuldarlıq 22,3 sent/ha olub.
Çəltik bitkisi üzrə götürülən məhsul ötən ilin müvafiq dövründən 115,0 ton və ya 69,7 faiz çoxdur.
Bundan başqa yığılan məhsul ötən ilin müvafiq dövründən kartof bitkisi üzrə 143,8 ton və ya 0,9 faiz, bostan bitkiləri üzrə 92,0 ton və ya 2,0 faiz, meyvələr üzrə 15,3 ton və ya 0,8 faiz, yaşıl çay yarpağı üzrə 18,6 ton və ya 87,7 faiz, üzüm üzrə 0,1 ton çox olub.
2024-cü ilin yanvar-sentyabr aylarında təmiz herik şumunu da daxil etməklə cari ilin payızlıq əkinləri üçün 5645,0 hektar sahədə şum qaldırılıb.
