Masallıda avqust ayında kənd təsərrüfatı sahələrindən bol məhsul yığılıb. Bu haqda məlumatı Cenublu.az bu gün, 6 sentyabr tarixində verir.
Masallı Rayon Statistika İdarəsindən verilən məlumata əsasən, 1 sentyabr 2022-ci il tarixinə 3929,4 hektar sahədən 73220,2 ton məhsul yığılıb ki, bu da ötən ilin müvafiq dövrü ilə müqayisədə 1498,2 ton və ya 2,1 faiz çoxdur.
Daha çox məhsul kartof, xiyar, pomidor, sarımsaq, soğan, badımcan, bibər, yemiş sahələrindən yığılıb. Kartof üzrə 900 hektar sahədən 15695,2 ton məhsul yığılıb, bu da ötən ilin müvafiq dövrü ilə müqayisədə 164 ton çoxdur. Pomidor üzrə 524,5 hektar sahədən 16042,3 ton məhsul yığılıb. Bu da ötən ilin müvafiq dövrü ilə müqayisədə 215,3 ton çoxdur. Xiyar üzrə 333 hektar sahədən 9971 ton məhsul yığılıb və bu ötən ilin müvafiq dövrü ilə müqayisədə 251 ton çoxdur. Badımcan üzrə 535 hektar sahədən 14496,7 ton məhsul yığılıb ki, bu da ötən ilin müvafiq dövrü ilə müqayisədə 535,5 ton çoxdur.
1 sentyabr 2022-ci il tarixinə rayon üzrə 3817,0 hektar təmiz herik şumunu da daxil etməklə cari ilin payızlıq əkinləri üçün şum qaldırılıb. Bu da ötən ilin müvafiq dövrü ilə müqayisədə 617 hektar və ya 19,3 faiz çoxdur.
