Lənkəranda keçmiş məktəb direktoru dünyasını dəyişib.
Cenublu.az xəbər verir ki, Cəsail Cəbrayıl oğlu Rəsulov 1946-cı ildə Lənkəran rayonunun Viravul kəndində anadan olub.1962-ci ildə Viravul kənd orta məktəbini bitirib və Azərbaycan Pedaqoji İnstitutunun riyaziyyat fakültəsinə daxil olub. Təyinatla Lerik və Lənkəran rayon məktəblərində 7 il fəaliyyət göstərib,1974-cü ildən 6 il şəhər 5 saylı orta məktəbində riyaziyyat fənnini tədris edib.
O, 1980-ci ildə şəhər 10 saylı məktəbinə direktor təyin edilib və 23 il bu vəzifəni yerinə yetirib.
Bölgədə adlı-sanlı direktorlardan biri kimi nüfuz qazanan Cəsail müəllim 2011-ci ilin noyabrından təqaüdə çıxmışdı.
