COP29 çərçivəsində “Su Həyatdır” layihəsinin açılış mərasimi olacaq.
Cenublu.az xəbər verir ki, açılış mərasimində “KOB-lar üçün səmərəli su istifadəsi və müasir texnologiyalar üzrə inkişaf proqramı” barədə qonaqlarla müzakirələr aparılacaq.
Qeyd edək ki, “SmartNation” İnsan İnkişaf Platformasının Ekologiya və Təbii Sərvətlər Nazirliyi və Qeyri-Hökumət Təşkilatlarına Dövlət Dəstəyi Agentliyinin dəstəyi ilə cənub bölgəsində (Biləsuvar, Masallı, Lənkəran, Astara, Cəlilabad, Lerik) kiçik və orta bizneslər üçün həyata keçirdiyi bu layihə suya qənaət və davamlı kənd təsərrüfatı sahəsində bilik və bacarıqlar qazandırmağı hədəfləyir.
Mərasim noyabrın 19-u saat 15:30-da COP29, Yaşıl Zona, A2-də keçiriləcək.
