İntensiv kivi bağları salan fermerlərə hər hektara görə 9600 manat əkin subsidiyası veriləcək.
Cenublu.az Azərbaycan Respublikasının Kənd Təsərrüfatı Nazirliyinə istinadən xəbər verir ki, hazırda, əsasən, Lənkəran-Astara iqtisadi zonasında kivi yetişdirilir.
Aqrar Subsidiya Şurasının qərarına əsasən, 2024-cü il sentyabrın 1-dən 2025-ci il mayın 31-dək Lənkəran, Astara, Masallı rayonlarında, eyni zamanda Lerik rayonunun dəniz səviyyəsindən 300 metr yüksəklikdən aşağıda yerləşən ərazilərdə intensiv kivi bağları salan fermerlərə hər hektara görə 9600 manat əkin subsidiyası veriləcək.
Bu subsidiya damcı suvarma sistemi ilə təchiz olunmuş, hər hektarda ən azı 650 tingin əkildiyi kivi bağlarına şamil olunacaq.
Qeyd olunan subsidiyalaşma mexanizmi fermerin intensiv kivi bağları salmaq üçün çəkdiyi xərclərin bir hissəsini qarşılamağa imkan verir.
