Cənub bölgəsində yeni məktəb binalarının tikintisinə başlanılır.
Cenublu.az bu barədə Elm və Təhsil Nazirliyindən məlumat əldə edib. Bildirilib ki, respublika üzrə 2 məktəbəqədər təhsil müəssisəsi, 17 tam orta məktəb binası tikiləcək, həmçinin 2 modul tipli tam orta məktəb quraşdırılacaq.
Nazirliyin sifarişi ilə bu təhsil müəssisələrinin tikinti və quraşdırılması üçün layihə-smeta sənədlərini “Design Project” şirkəti hazırlayacaq. Layihənin dəyəri 2,5 milyon manatdır.
Tikilməsi planlaşdırılan təhsil müəssisələri arasında aşağıdakılar yer alır:
Masallı rayonu, Xırmandalı kəndi – X.Məmmədov adına 792 şagird yerlik tam orta məktəb,
Sabirabad rayonu, Yolçubəyli kəndi – 528 şagird yerlik tam orta məktəb.
Layihələr mərhələli şəkildə həyata keçiriləcək.
