Bu il Biləsuvarda 6915,8 hektar sahədə pambıq məhsulu əkilərək arqotexniki qaydada qulluq olunub.
Cenublu.az xəbər verir ki, bu barədə Biləsuvar RİH məlumat yayıb.
Sentyabr ayının sonlarından başlanan pambıq yığımı artıq başa çatmaq üzrədir. Bu günə qədər sahələrdən 21044 ton pambıq məhsulu toplanıb. Ötən ilin müvafiq dövrü ilə müqayisədə bu göstərici 3250 ton çoxdur. Rayon üzrə məhsuldarlıq bu il 31 sentner olub.
Bildirilib ki, bu il rayon respublikanın ən irəlidə gedən pambıqçılıq rayonlarından biri olub və təkcə yığım zamanı sahələrdə 1300 nəfərdən çox insanın məşğulluğu təmin edilib.
