Lənkəran-Astara iqtisadi rayonunda əsas kapitala qoyulmuş investisiyaların həcmi üzrə ən çox göstərici Masallı rayonuna aiddir. Bu haqda məlumatı Cenublu.az bu gün, 30 avqust tarixində verir.
Belə ki, Masallı Rayon Statistika İdarəsindən verilən məlumata əsasən, Lənkəran-Astara iqtisadi rayonunda əsas kapitala qoyulmuş investisiyaların 45,9 faizi Masallı rayonunun payına düşür.
Qeyd edək ki, 2022-ci ilin birinci yarısında əsas kapitala qoyulmuş investisiyanın həcmi 43702,7 min manat olub ki, ondan 38356,3 min manatı tikinti-quraşdırma işlərinə sərf edilib.
