Lənkəran Şəhər İcra Hakimiyyətinin başçısı Taleh Qaraşov “Lənkəran” idman klubunun idman zalını ziyarət edib. Bu haqda məlumatı Cenublu.az bu gün, 22 noyabr tarixində verir.
Belə ki, Vətən müharibəsi əlili Vəliəhəd Vəliyevə məxsus idman klubunun ziyarət mərasimində icra başçısı hər zaman müharibə əlillərinin yanında olduğunu, onların normal həyata adaptasiyası üçün bütün imkanlarını səfərbər etdiyini bildirib.
Vəliəhəd Əliyev öz növbəsində idman zalının ərsəyə gəlməsinə maddi və mənəvi dəstək üçün Lənkəran ŞİH başçısına minnətdarlığını vurğulayıb.
Qeyd edək ki, idman klubunda karate, boks, cüdo və digər idman növlərinin inkişaf etdirilməsi planlaşdırılır.
