Stolüstü Tennis Federasiyasının Masallı filialında 30 nəfər rayon turnirində iştirak edib. Bu haqda məlumatı Cenublu.az bu gün, 8 dekabr tarixində verir.
Turnirin keçirilməsində əsas məqsəd Heydər Əliyevin xatirəsinin əziz tutulması və stolüstü tennis idman növünün rayonda təbliğ olunması, eləcə də məktəblilər arasında dostluq əlaqələrinin möhkəmləndirilməsi və sağlam həyat tərzinin təbliğ olunmasıdır.
Yarışda I, II, III yerləri tutan idmançılara diplom və medallar təqdim olunub.
Heydər Əliyevin anım günü ilə əlaqədar tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektorunun və Masallı Uşaq-Gənclər İdman-Şahmat məktəbinin dəstəyi ilə təşkil edilib.
