Masallıda uşaq, yeniyetmə və gənclər arasında sərbəst güləş üzrə rayon turniri təşkil olunub. Bu haqda məlumatı Cenublu.az bu gün, 30 oktyabr tarixində verir.
8 Noyabr – Zəfər Gününə həsr olunmuş yarış “Cəngavər” idman zalında baş tutub. Burada 11 çəki dərəcəsində 70 nəfər idmançı qüvvəsini sınayıb.
Sonda ilk üç yeri tutan idmançılar diplom və medallarla təltif olunublar.
Qeyd edək ki, tədbir Lənkəran-Astara Regional Gənclər və İdman İdarəsinin Masallı rayonu üzrə gənclər və idman sektoru tərəfindən təşkil olunub.
