Cəlilabadda məktəblilər arasında hərbi idman oyunlarının rayon birinciliyi təşkil olunub. Bu haqda bu gün, 29 mart tarixində Cenublu.az Cəlilabad Rayon Gənclər və İdman İdarəsinə istinadən xəbər verir.
Gərgin və maraqlı keçən "Sərhəd" hərbi idman oyunlarında şagirdlər böyük həvəslə iştirak ediblər. Yarışın nəticələrinə əsasən, Ləkin kənd tam orta məktəbinin komandası 1-ci yerə, Əsədli kənd tam orta məktəbinin komandası 2-ci yerə, Musalı kənd tam orta məktəbinin komandası isə 3-cü yerə layiq görülüb.
Ləkin kənd tam orta məktəbinin komandası yarışın zona mərhələsində iştirak etmək hüququ qazanıb.
