Honkonqda keçirilən Çin Döyüş Növləri üzrə 15-ci beynəlxalq festival və Vinq Çun üzrə 11-ci dünya çempionatında lənkəranlı məşqçi Arzuman Rəsulzadənin tələbələri qələbə qazanıblar. Bu haqda məlumatı Cenublu.az bu gün, 18 avqust tarixində verir.
Belə ki, 30 ölkədən 2000-dən çox atletin iştirak etdiyi yarışmada ölkəmizi Azərbaycan Vinq Çun Federasiyasının 12 idmançısı təmsil edib.
Onlar yüksək nəticə göstərərək 6 qızıl və 4 gümüş medal qazanıblar. Yeniyetmələr arasında Nailə Əliyeva (Vinq Çun tao lu), Məryəm Mahalova (Vinq Çun tao lu), İsmayıl Sayadlı (Vinq Çun kontakt – 75kq), Məhəmmədəli Axundov (Vinq Çun kontakt – 56 kq) I yerə layiq görülüblər.
Gənclər və böyüklər arasında Ayman Mahal (Vinq Çun kontakt – 65 kq) I yerə, İbrahim Ağayev (Vinq Çun kontakt – 56 kq), Mehman Bədəlzadə (Vinq Çun kontakt – 80 kq), Süleyman İsmayılov (Vinq Çun kontakt – 75 kq) və Murad Məhərrəmov (Vinq Çun tao lu) II yerlərə layiq görülüblər.
45-60 yaş arası isə I yerə Mahmud Mehtioğlu (Vinq Çun tao lu) görülüb.
Qeyd edək ki, əslən Lənkəranın Cil kəndindən olan Arzuman Rəsulzadə Azərbaycan Vinq Çun Döyüş Sənəti Federasiyasının üzvü və baş məşqçidir.
