Lənkəran şəhərində məktəbli qızlar arasında basketbol idman növü üzrə turnir baş tutub. Bu haqda məlumatı Cenublu.az bu gün, 4 oktyabr tarixində verir.
Yarış Həzi Aslanov adına 3 nömrəli tam orta məktəbdə keçirilib. Burada məktəbin direktoru, "Lənkəran" İdman Klubunun və Lənkəran-Astara Regional Gənclər və İdman İdarəsinin əməkdaşları çıxış ediblər. Onlar Zəfər Günü, Vətən müharibəsi, idmana olan diqqət və qayğı barədə məlumat veriblər.
Sonda qaliblərə diplomlar təqdim edilib.
Qeyd edək ki, tədbir baş hakim Əkbər Gənciyevin rəhbərliyi ilə həyata keçirilib.
