Lənkəran şəhər Heydər Əliyev adına xatirə parkında "İdman hamı üçün" layihəsi çərçivəsində Uşaq-Gənclər İdman Məktəbinin ağır atletika bölmələri idmançılarının nümunəvi çıxışları baş tutub. Bu haqda məlumatı Cenublu.az bu gün, 16 avqust tarixində verir.
İdman tədbirinin təşkilində əsas məqsəd əhali arasında idmana marağın artırılması, sağlam həyat tərzinin təbliği və asudə vaxtlarının səmərəli təşkilidir.
Tədbirdə tennis, şahmat və dama idman növləri üzrə də yarışlar təşkil edilib və 50 nəfərdən çox idmançı və rayon sakini iştirak edib.
Qeyd edək ki, tədbir Lənkəran-Astara Regional Gənclər və İdman İdarəsinin təşkilatçılığı ilə baş tutub.
