Lənkəran Olimpiya İdman Kompleksində 11-13 və 14-16 yaşlı yeniyetmələr arasında cüdo idman növü üzrə master-klas baş tutub. Bu haqda məlumatı Cenublu.az bu gün, 4 avqust tarixində verir.
Tədbirdə Lənkəran-Astara Regional Gənclər və İdman İdarəsinin rəis müavini Könül Manafova çıxış edib. O, iştirakçılara uğurlar arzulayıb, ölkəmizdə idmanın inkişafında ümummilli lider Heydər Əliyevin misilsiz xidmətlərindən söhbət açıb, Prezident İlham Əliyevin bu sahəyə olan diqqət və qayğısından danışıb, o cümlədən cüdo idman növü üzrə idmançılarımızın beynəlxalq arenadakı uğurları haqqında tədbir iştirakçılarına geniş məlumat verib.
Qeyd edək ki, tədbirdə 150 nəfər idmançı iştirak edib.
