"Bank Respublika Arena”da keçirilən yoldaşlıq görüşündə Belarus futbolçularına 0:2 hesabı ilə məğlub olmaqla Azərbaycan millisinin qolsuz seriyası 4 oyuna çatıb.
Cenublu.az xəbər verir ki, Fernandu Santuşun yetirmələri bundan iki gün əvvəl Haiti (0:3) , ötən ilin noyabrında İsveç (0:6) və Estoniya (0:0) ilə qarşılaşmalarda da rəqib qapısına yol tapa bilməyiblər.
Qeyd edək ki, Azərbaycan millisi sonuncu dəfə ötən ilin oktyabrında Bakıda Slovakiyaya məğlub olduğu oyunda (1:3) fərqlənib. O zaman Toral Bayramov qol vuraraq azarkeşləri sevindirmişdi.
