Astara rayonunda məktəblilər arasında atletika üzrə rayon turniri təşkil olunub. Bu haqda məlumatı Cenublu.az bu gün, 16 oktyabr tarixində Lənkəran-Astara Təhsil İdarəsinə istinadən verir.
18 Oktyabr – Müstəqilliyin Bərpası Gününə həsr olunmuş yarış Dənizkənarı Park-Bulvar Kompleksində baş tutub. Tədbirin açılış mərasimində rayon üzrə gənclər və idman sektorunun, Təhsil İdarəsinin rayon sektorunun əməkdaşları, Atletika Federasiyasının rayon nümayəndəsi, atletika üzrə veteranlar arasında 5 qat Azərbaycan çempionu Rəşad Əliyev çıxış ediblər.
Turnirdə 16 ümumtəhsil məktəbini əhatə edən 88 nəfər idmançı (78 oğlan, 10 qız) iştirak edib. Sonda qaliblərə müvafiq diplom və medallar təqdim olunub.
Qeyd edək ki, tədbir Lənkəran-Astara Regional Gənclər və İdman İdarəsi və Lənkəran-Astara Regional Təhsil İdarəsinin birgə əməkdaşlığı ilə həyata keçirilib.
