Ümummilli lider Heydər Əliyevin 100 illiyinə həsr olunmuş taekvondo idman növü üzrə yeniyetmə və gənclər arasında Lənkəran-Astara region turniri keçirilib. Bu haqda məlumatı Cenublu.az bu gün, 11 dekabr tarixində verir.
Lənkəran, Masallı, Cəlilabad və Yardımlı rayonlarından 70 nəfər idmançının iştirak etdiyi turnirdə idmançılar tatami üzərində öz güclərini sınayıblar.
Nəticələrə əsasən, birinci yerə Masallı rayon komandası, ikinci yerə Lənkəran şəhər komandası çıxıblar. Yardımlı və Cəlilabad rayon komandaları müvafiq olaraq, üçüncü və dördüncü yerlərə layiq görülüblər.
Qalib gələn idmançılar Azərbaycan çempionatına vəsiqə qazanıblar və Lənkəran-Astara Regional Gənclər və İdman İdarəsinin diplom və medalları ilə təltif olunublar.
Qeyd edək ki, tədbir Masallı Regional Taekvondo Mərkəzində Lənkəran-Astara Regional Gənclər və İdman İdarəsinin təşkilatçılığı ilə baş tutub.
