20 Yanvar faciəsinin 33-cü ildönümü və şəhidlərinin əziz xatirəsinə həsr olunmuş məktəbli qızlar arasında voleybol idman növü üzrə turnir keçirilib. Bu haqda məlumatı Cenublu.az bu gün, 19 yanvar tarixində Lənkəran Şəhər Gənclər və İdman İdarəsinə istinadən verir.
İlk növbədə Azərbaycan xalqının tarixinə Qanlı Yanvar faciəsi kimi daxil olmuş 1990-cı il 20 yanvar hadisələrindən danışılıb.
Daha sonra turnirin baş hakimi Əkbər Gənciyevin başçılığı altında yarış başlayıb.
20 nəfər məktəb şagirdinin iştirak etdiyi turnirdə fəxri yeri tutmuş komandalara diplom təqdim edilib.
Qeyd edək ki, turnir Lənkəran Şəhər Gənclər və İdman İdarəsinin və Lənkəran Şəhəri Həzi Aslanov adına 3 nömrəli tam orta məktəbin birgə təşkilatçılığı ilə baş tutub.
