Tariximizin və mədəniyyətimizin parlaq səhifəsi məhz qadınlarımızın adı ilə bağlıdır. Cənublu qadınlar Vətənimizin mədəni fikir xəzinəsinin incilərini yaradan ədəbi şəxsiyyətlər, görkəmli elm və sənət adamları, tanınmış siyasi xadimlərdir.
Cənublu qadınlar…Onlar kimdirlər?
Cənubun qadınları gözəldir
Dünya gözəli seçilmiş ilk Azərbaycanlı qadın Sona Mehmandarova 1894-cü ildə Lənkəranda anadan olub.
Cənubun qadınları çalışqandır
Heydər Əliyev tərəfindən Sosialist Əməyi Qəhrəmanı adına layiq görülən Solmaz Əliyeva 1944-ü ildə Lənkəran rayonunun Aşağı Nüvədi qəsəbəsində anadan olub.
Cənubun qadınları üzümüzdə gülüş yaradır
Azərbaycan SSR-in Əməkdar artisti, “Bakının işıqları”, “Bəxtiyar”, “Görüş”, “Qızmar günəş altında”, “Kölgələr sürünür” filmləri ilə yadda qalan Münəvvər Kələntərli 1912-i ildə Lənkəranda anadan olub.
Cənubun qadınları istedadlıdır
Azərbaycan səhnəsinin ilk qadın müğənnisi Həqiqət Rzayeva 1907-ci ildə Lənkəran rayonunun Darquba kəndində anadan olub.
Cənubun qadınları ilhamlandırır
Lənkəran şəhərindəki məşhur "Samovar" abidəsinin müəllifi Azərbaycan Memarlar İttifaqı İdarə Heyətinin üzvü Marifə Əhmədovadır.
Cənubun qadınları düşündürür
"Qubanın ağ alması", "Uca dağlar", "Dəli Ceyran", "Kürdün gözəli" kimi bir çox populyar xalq mahnılarını ilk dəfə lənkəranlı müğənni Cahan Talışinskaya ifa edib.
Cənubun qadını xeyirxahdır
Lənkəranda ilk qadın xeyriyyə cəmiyyətinin təşkilatçısı, "Ünas" (qızlar) məktəbinin müdiri, 1920-21-ci illərdə savadsızlığın ləğv olunması üzrə ilk qadın kurslarının təşkilatçılarından biri Məryəm Bayraməlibəyova 1898-ci ildə Lənkəranda anadan olub.
Cənublu qadınlar güclüdür
Azərbaycanın müstəqilliyindən sonra təyin olunan ilk xanım icra başçısı Dilrubə Camalova 1993-2000-ci illərdə Lənkəran Şəhər İcra Hakimiyyətinin başçısı olub.
Cənubun qadınları qürurludur
İki oğlunu Vətənə əmanət edən şəhidlər anası Ziba Əsgərova. Onun oğulları - Nurlan Əsgərli Aprel döyüşlərində, İntiqam Əsgərli isə Vətən müharibəsində şəhidlik zirvəsinə ucalıblar. Hər ikisi doğma Masallının Viləş kəndində dəfn olunublar.
Bax budur cənubun fədakar qadınları. Tarix boyu öz istedadı, zəkası, iradəsi və əzmi ilə milli-mənəvi dəyərlərimizin qorunub saxlanmasında və yaşadılmasında müstəsna xidmətlər göstərən zərif qadınlar, bayramınız mübarək!
