Şiyəkəran kəndi Astara şəhərindən 20 km şimal istiqamətində yerləşir. Yerli əhali tərəfindən yaşayış məntəqəsinin adı “Şiəkon” kimi tələffüz edilir [3]. Deyilənlərə görə, kənd orta əsrlərdə salınıb [1].
Yerli əhalinin sözlərinə görə, kəndin adını Peyğəmbər nəslindən olan filosof, müəllim və xeyriyyəçi Seyid Cəmaləddin qoyub. Kənd əhalisinin sözlərinə görə, Seyid Cəmaləddin Təbrizdən gələrkən ilk olaraq, Şiyəkəran kəndində məskunlaşıb, yalnız sonralar Pensər kəndinə köçüb. O, bu kənddə çox sayda şiə mənsəbli müsəlmanlar yaşadığından, yaşayış məntəqəsinin adını “Şiyəkəran” qoyub [1]. Toponim “şiyə” (şiə - dini təriqət) və “kəran” (evlər) sözlərindən ibarətdir, yəni “şiələrin evi” mənasını daşıyır [2,3].
Kəndin ərazisində bir neçə tarixi abidə mövcuddur: XVI əsrə aid Çəpinə türbəsi, XIX əsrə aid Şiyəkəran kənd məscidi və s. [5].
Əhali, əsasən, əkinçilik və maldarlıqla məşğuldur [6].
2009-cu ilin statistik göstəricilərinə əsasən, bu kənddə 5041 nəfər yaşayıb [4].
Ədəbiyyat:
