Lənkəranda “Gəncin səsi, Gələcəyin səsi!” şüarı altında maarifləndirmə sessiyası həyata keçirilib. Bu haqda məlumatı Cenublu.az bu gün, 11 yanvar tarixində verir.
Tədbirin əsas məqsədi prezident seçkilərində ilk dəfə səs verəcək region gəncləri üçün seçicinin hüquq və vəzifələri, seçki prosesində iştirak etmək üçün lazım olan prosedur qaydaları barədə ətraflı məlumat vermək və bütün gəncləri seçkidə iştirakçılığa səsləməkdir.
Görüşdə, həmçinin müxtəlif mövzularda kvestlər, komanda quruculuğu və şəbəkələşmə oyunları təşkil edilib.
Qeyd edək ki, səyyar görüşlər çərçivəsində seçki könüllüləri Masallı və Cəlilabad rayonlarında da olublar. Səsvermə qaydaları barədə keçirilən təlimlərdə fəallıq göstərən gənclərə müxtəlif hədiyyələr təqdim edilib.
Xatırladaq ki, görüş Azərbaycan Gənclər Fondunun dəstəyi, Azərbaycan
Könüllü Təşkilatları İttifaqının (AKTİ) təşkilatçılığı ilə baş tutub.
