Cəlilabad şəhərində “Gəncin səsi, Gələcəyin səsi!” şüarı ilə tədbir baş tutub. Bu haqda məlumatı Cenublu.az bu gün, 9 yanvar tarixində verir.
Görüşün keçirilməsində məqsəd bölgələrdə və kəndlərdə yaşayan 18 yaşına çatmış gəncləri və səsvermə hüququ olan ölkə vətəndaşlarını seçki proseslərində iştiraka dəvət etmək və fəal şəkildə səsvermə hüququndan istifadəni təşviq etməkdir.
Tədbir çərçivəsində maarifləndirmə sessiyaları ilə yanaşı, rəqəmsal alətlər barədə məlumat sessiyaları, intellektual yarışlar, fərdi və peşəkar inkişafa, eləcə də səsvermə hüququndan istifadəyə dair təlimlər, müxtəlif oyunlar və musiqili əyləncələr də təşkil edilib.
Qeyd edək ki, səyyar görüş Azərbaycan Respublikasının Gənclər Fondunun dəstəyi Azərbaycan Könüllü Təşkilatları İttifaqının (AKTİ) təşkilatçılığı ilə həyata keçirilib.
