875 şagirdin mübarizə apardığı “Sərhəd” hərbi idman oyunlarının final mərhələsinin açılış mərasimi keçirilib. Bu haqda məlumatı Cenublu.az bu gün, 26 aprel tarixində verir.
Azərbaycan Sərhəd Mühafizəsinin 105 illiyi ərəfəsində Dövlət Sərhəd Xidməti, Elm və Təhsil Nazirliyi, Gənclər və İdman Nazirliyinin birgə təşkilatçılığı ilə “Lənkəran” sərhəd dəstəsində keçirilən “Sərhəd” hərbi-idman oyunlarının final mərhələsinin təntənəli açılış mərasimi keçirilib. Bu haqda məlumatı Cenublu.az bu gün, 26 aprel tarixində verir.
38 rayondan 187 məktəbin 875 şagirdinin iştirak etdiyi yarışın 1-ci və 2-ci mərhələləri yekunlaşıb və gərgin mübarizə şəraitində keçən oyunların final mərhələsinə Lənkəran şəhərindən “Gözətçi”, Cəlilabad rayonundan “Ləkin”, Bakı şəhərindən “Şahinlər”, Beyləqan rayonundan “Bozqurd”, Qax rayonundan “Zəfər”, Qazax rayonundan “Şahinlər”, Qusar rayonundan “Zeyxur”, Mingəçevir şəhərindən “Qartal”, Ordubad şəhərindən “Ümid”, Şəki şəhərindən “Şimşək”, Şəmkir rayonundan “Gənclər” komandaları olmaqla, ümumilikdə 11 komanda vəsiqə qazanıb.
Qeyd edək ki, “Lənkəran” sərhəd dəstəsində keçirilən oyunların final mərhələsi may ayının 1-dək davam edəcək. Bu müddətdə iştirakçılar sərhədçilərin xidməti fəaliyyəti, məişət şəraiti ilə tanış olacaq, ekskursiyalarda, mədəni-kütləvi tədbirlərdə, hərbi, bilik və idman yarışlarında iştirak edəcəklər.
