Şeyx Zahid türbəsi Lənkəran rayonunun Şıxakəran kənd qəbiristanlığında yerləşir və uzun illərdir əhali tərəfindən xüsusi ehtiramla ziyarət olunur. Şeyx Zahid (1215-1300) dövrünün böyük alimi Seyid Cəmaləddinin müridi olmuş və xeyriyyəçiliklə yanaşı, şairliklə də məşğul olub. O, bir çox bölgələrə səyahət edərək dini təbliğat aparıb və dövrün rəhbərləri ilə görüşlər keçirib.
Şeyx Zahidin məqbərəsi 1300-cü ildən sonra ziyarətgaha çevrilib, onun qızı Bibifatimə ilə evlənən Şeyx Səfiəddin tərəfindən yenidən tikilib. Məqbərə müxtəlif dövrlərdə təmir olunub. Burada 1478, 1609 və 1950-ci illərdə təmir işləri görülüb.
Şeyx Zahidin nüfuzu yüksək olub və müridləri Gilan, Muğan, Şirvan kimi bölgələrə yayılıb. Onun məqbərəsini həmçinin Şah İsmayıl Xətai və I Şah Abbas da ziyarət edib.
Şeyx Zahidin mükəmməl təhsil və inanc sistemi, həmçinin mərhəmət və xeyriyyəçilik fəaliyyəti uzun əsrlər boyu insanların həyatına müsbət təsir göstərib.
View this post on Instagram
