Lənkəran–Astara regionunda Dövlət Məşğulluq Agentliyinin Mərkəzi Karyera filialının təşkilatçılığı ilə keçirilən “İxtisas bələdçisi” layihəsinə start verilir. Bu haqda məlumatı Cenublu.az bu gün, 19 aprel tarixində verir.
Proqram müddətində Mərkəzi Karyera filialının əməkdaşları regionlardakı məktəblərdə seminarlar keçirəcək, sualları olan şagirdlərlə fərdi konsultasiyalar aparacaqlar. Belə ki, treninqlər:
- 22 aprel tarixində saat 10:00-da Lənkəran şəhər 8 nömrəli tam orta məktəbində;
- 22 aprel tarixində saat 13:00-da Lənkəran rayonu Sütəmurdov kənd tam orta məktəbində;
- 23 aprel tarixində saat 10:00-da Masallı şəhər N.Nərimanov adına 2 nömrəli tam orta məktəbdə;
- 23 aprel tarixində saat 13:00-da Ə.Məmmədov adına Masallı rayonu Öncəqala kənd tam orta məktəbində;
- 24 aprel tarixində saat 10:00-da Astara şəhər 5 nömrəli tam orta məktəbində;
- 24 aprel tarixində saat 13:00-da Astara rayonu Təngərüd kənd tam orta məktəbində;
- 25 aprel tarixində saat 10:00-da V.H.Məmmədov adına Yardımlı şəhər 2 nömrəli tam orta məktəbində;
- 25 aprel tarixində saat 13:00-da N.H.Cəbiyev adına Yardımlı rayon Çayüzü kənd tam orta məktəbində;
- 26 aprel tarixində saat 10:00-da Cəlilabad şəhər 3 nömrəli tam orta məktəbində;
- 26 aprel tarixində saat 13:00-da H.Əliyev adına Cəlilabad rayonu Alar kənd 1 nömrəli tam orta məktəbində;
- 26 aprel tarixində saat 10:00-da Astara şəhər 1 nömrəli texniki fənlər təməyüllü liseydə;
- 26 aprel tarixində saat 13:00-da Astara rayonu Pinar kənd tam orta məktəbində təşkil ediləcək.
Layihənin məqsədi Azərbaycan məktəblərində təhsil alan şagirdləri ixtisas seçimi, karyera planlaması mövzularında maarifləndirmək, ixtisas seçimi ilə bağlı ünvanlanan sualları cavablamaqdır.
